Sveinegilde 2025

Fredag 31. januar fekk nye fagarbeidarar i Nordhordland utdelt fag- og sveinebreva sine under årets Sveinegilde på Alver Hotell.

I 2024 var det heile 81 lærlingar som bestod fag-/sveineprøva, og som dermed kunne smykka seg med tittelen fagarbeidarar. Fredag kveld var 50 av dei samla på Alver Hotell, der dei fekk overrekt beviset på at dei har bestått utdanninga, og er klare for arbeidslivet.

Sjølve overrekkinga var det styreleiar Konrad Risnes som stod for, assistert av dagleg leiar Lillian Vabø Mongstad.
Barne og familieminister Kjersti Toppe var kveldens festtalar. I tillegg var der flotte kulturelle innslag av Andreja Juozapaityte frå Austrheim kulturskule      

Etter utdelinga var det tid for festmiddag og talar. Ordføraren i Alver Kommune Sara Sekkingstad, ordføraren i Masfjorden Kommune Erlend Kvamsdal og ordføraren i Austrheim Kommune Morten Sognnes nytta høve til å seie nokre ord til dei nyutdanna fagarbeidarane.

Tusen takk til:
Alle fagarbeidarar og representantar frå bedriftene for frammøte.
Barne og familieminister Kjersti Toppe for fin tale til dei nye fagarbeidarane.
Austrheim Kulturskule for samarbeidet og Andreja Juozapaityte for fin song og musikk.
Ordførarane Sara Sekkingstad, Erland Kvamsdal og Morten Sognnes for fine ord.
Alver Hotell for god mat og servering.